Krafturinn í eldgosinu virðist vera svipaður og í gær, af vefmyndavélum að dæma. Gígarnir hafa hækkað ágætlega en sem stendur er erfitt að meta hvað þeir eru orðnir háir. Áfram er nokkur kvikustrókavirkni, sem þýðir að kvikan skýst upp í strókum.

Frétt af mbl.is

Kvika flæðir úr sjö til átta gígum

„Þetta mallar bara áfram," segir Sigríður Magnea Óskarsdóttir, náttúruvársérfræðingur hjá Veðurstofu Íslands, spurð út í stöðuna á eldgosinu við Sundhnúkagíga.

Hún býst við því að flogið verði yfir svæðið seinna í dag til að sjá gosið betur í dagsbirtu.

Sigríður Magnea kveðst ekki hafa upplýsingar um að hrauntungurnar tvær hafi lengst. Frekar virðist byggjast upp kvika í kringum gígana og út frá þeim.

Engin gasmengun hefur verið í byggð í nótt. Vindur hefur snúist til norðvestanáttar og gasmengun mun því berast til suðurs út á sjó. Ef áttin verður vestlæg er möguleiki á að mengunin berist til Vestmannaeyja og Þorlákshafnar.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt