Hélt hnífum á lofti og hótaði fólki

Maður á þrítugsaldri var með ógnandi tilburði og hélt tveimur hnífum á lofti í verslun Hagkaupa í Skeifunni um miðnætti í nótt. Vopnaðir sérsveitarmenn voru kallaðir til.

Maðurinn var handtekinn og bíður hann nú yfirheyrslu. Hann hafi verið með hótanir gagnvart fólki í versluninni.

Frétt af mbl.is

Sérsveitin kölluð til við Hagkaup

Þetta staðfestir Skúli Jónsson, aðstoðaryfirlögregluþjónn lögreglunnar á höfuðborgarsvæðinu, í samtali við mbl.is.

Bíður yfirheyrslu

Lögregla lagði hald á hnífana og var maðurinn vistaður í fangaklefa. 

„Hann bíður þess að verða yfirheyrður í morgunsárið,“ segir Skúli.

Þá segir Skúli að reynt hafi verið að ræða við manninn í nótt, en það hafi ekki verið hægt í því ástandi sem maðurinn var.

• Blogga um frétt