Búið er að slökkva eldinn í Húsaskóla að mestu

Búið er að slökkva eldinn í Húsaskóla að mestu leiti en slökkviliðið vinnur nú að því að tryggja að eldur hafi ekki læst sér annars staðar í þakið. 

Þetta segir Ásgeir Halldórsson, aðstoðarvarðstjóri hjá Slökkviliðinu á höfuðborgarsvæðinu í samtali við mbl.is. Hann segir slökkvistarfi þó ekki lokið. 

Frétt af mbl.is

Eldur logar í Húsaskóla í Grafarvogi

Slökkviliðið vinnur nú að því að tryggja að eldur hafi ekki læst sér annars staðar í þakið. mbl.is/Kristinn Magnússon

Eldur kom upp í þakskyggni skólans á þriðja tímanum í dag. Ásgeir segir að vel hafi gengið að slökkva eldinn og að nú sé unnið að því að rífa frá þakinu til að tryggja að eldur hafi ekki læst sér annars staðar í þakið. 

Að sögn Ásgeirs voru iðnaðarmenn að störfum á þaki hússins þegar eldurinn kom upp en þeir voru að bræða pappa á þakið, en það er gert með eld. 

• Blogga um frétt