Svo virðist sem dregið hafi úr eldgosinu við Sundhnúkagíga undanfarinn sólarhring. Virkni í gígunum er minni og mögulega er slokknað í minnstu gígunum.

Þetta kemur fram í tilkynningu frá Veðurstofunni. Tekið er fram að gosórói hafi sömuleiðis dvínað mjög hægt og rólega síðustu daga.

Meginhraunstraumurinn rennur frá gígunum fyrst í suður og beygir síðan til vesturs.

Heldur áfram að þykkna nær gígunum

„Um helgina hélt hraun áfram að flæða í Melhólsnámuna og hefur nú fyllt hana en heldur áfram að þykkna nær gígunum,“ segir í tilkynningu Veðurstofunnar.

Bent er á að GPS-mælingar síðustu daga gefi til kynna að land rísi í Svartsengi, en mun hægara en áður.

„Það bendir til þess að enn safnist upp kvika í söfnunarsvæðið undir Svartsengi þótt það sé eldgos í gangi.“

Frétt af mbl.is

Mengun gæti færst yfir Njarðvík, Keflavík og Sandgerði

Tengdar fréttir

Eldvirkni á Reykjanesskaga

Hættumat lækkað í Grindavík

• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag
• Væri komið yfir innviði ef ekki væru varnargarðar

» Fleiri tengdar fréttir

• Blogga um frétt