Virðist hafa dregið úr virkni: Ný hrauntunga sást
Setja bókamerki
Svo virðist sem dregið hafi aðeins úr virkninni í eldgosinu við Sundhnúkagíga í nótt. Of snemmt er segja til um hvað þetta þýðir varðandi framhaldið, að sögn náttúruvársérfræðings hjá Veðurstofu Íslands.
Tveir gígar eru stærstir á meðan þrír aðrir eru minni.
Virk hrauntunga
Flogið var með dróna yfir svæðið í gærkvöldi og sást þá hrauntunga sem er búin að vera virk í nótt. Hún er staðsett suðaustanmegin í Hagafelli og er þar um að ræða eina framskriðið í hrauninu, segir Elísabet Pálmadóttir, náttúruvársérfræðingur hjá Veðurstofu Íslands.
Hrauntungan er norðan við svæðið þar sem flætt hefur í Melhólsnámu en þar virðist ekki vera virkni sem stendur.
Engin virkni hefur sömuleiðis verið í hrauntungunni nálægt Suðurstrandarvegi síðustu daga.
Mengun gæti borist síðdegis
Engin gasmengun var í nótt yfir Grindavík. Síðdegis í dag er spáð austan 5 til 10 metrum á sekúndu og gæti mengun borist aftur í átt að Svartsengi og yfir Reykjanesbæ og Hafnir.
Innanlandsflug liggur niðri
Neitaði sök um morð og hryðjuverk
„Nánast aftakaveður þegar hryðjurnar ganga yfir“
Nokkur útköll hjá Landsbjörg
Íslendingar vanir að klæða sig vel
„Átti von á fleiri útköllum“
„Umferðin greinilega að þyngjast“