Vegfarandi sem átti leið um Esjumela eftir hádegi í gær gekk fram á töskur sem þjófarnir höfðu á brott með sér úr peningaflutningabíl við Hamraborg í gærmorgun.

Um var að ræða fjórar töskur. Af myndskeiðinu að dæma hafa þjófarnir sagað göt á töskurnar til að ná peningunum úr, en talið er að þjófarnir hafi haft á brott með sér 20-30 milljónir króna. 

Heimir Ríkarðsson, lögreglufulltrúi hjá lögreglunni í Kópavogi, segir í samtali við mbl.is að alls séu töskurnar sjö sem þjófarnir höfðu á brott með sér og hafi hinar þrjár fundist í Mosfellsbæ. Heimir segir að í tveimur af þessum sjö töskum hafi verið peningar.

Frétt af mbl.is

Stálu 20-30 milljónum úr peningaflutningabílnum

Segja litasprengjur í töskunum

Í tilkynningu frá Öryggismiðstöðinni segir að töskurnar hafi verið í bifreið á vegum fyrirtækisins. Fjármunirnir hafi verið í sérhæfðum læstum verðmætatöskum sem búnar eru litasprengjum sem eyðileggja verðmæti ef tilraun er gerð til þess að nálgast þau. 

Öll verðmæti í flutningi Öryggismiðstöðvarinnar séu tryggð gagnvart viðskiptavinum fyrirtækisins.

Frétt af mbl.is

Stálu peningakassa úr peningaflutningabíl

Tengdar fréttir

Þjófnaður í Hamraborg

Tugum milljóna stolið og málið enn óupplýst

• Bíða eftir símagögnum í Hamraborgarmálinu
• Bara einn ennþá með stöðu grunaðs
• Skoða gögn vegna þjófnaðar í Hamraborg
• Enn að fá vísbendingar um seðla í umferð

» Fleiri tengdar fréttir

• Blogga um frétt