Stálu peningakassa úr peningaflutningabíl
Lögreglan leitar þjófa sem stálu umtalsverðum fjármunum úr bíl öryggisfyrirtækis.
mbl.is/Eggert Jóhannesson
Setja bókamerki
Lögreglan á höfuðborgarsvæðinu leitar þjófa sem brutust inn í bíl í Hamraborg í Kópavogi í gærmorgun og stálu umtalsverðum fjármunum.
Heimir Ríkarðsson, lögreglufulltrúi hjá lögreglunni í Kópavogi, segir að brotist hafi verið inn í bíl frá öryggisfyrirtæki sem var í verðmætaflutningum og þjófarnir hafi stolið peningakassa úr bílnum sem í hafi verið umtalsverðir fjármunir.
Skýrslur teknar af vitnum
Heimir segir að þjófarnir hafi verið á Yaris-bifreið sem lýst var eftir í gær en hún er á stolnum númeraplötum að framan og aftan.
„Málið er bara til rannsóknar hjá okkur. Við erum búnir að taka skýrslur af nokkrum vitnum og erum að vinna hratt og örugglega í málinu,“ segir Heimir við mbl.is.
Segir að verið sé að svindla á Bandaríkjunum
Lyklaskipti í ráðuneytunum
Alvarleg netárás á Wise
Var engin kristnitaka árið 1000?
Skattamál verði líklega „þeirra mesta klemma“
„Börn heima sem maður myndi vilja hafa í skjóli“