Litl­ar breyt­ing­ar hafa orðið í eld­gos­inu við Sund­hnúkagíga í nótt. Þrír gígar eru virkir og hraunflæðið er svipað og síðustu daga. Þá hefur slökkviliðið í Grindavík verið að glíma við gróðurelda í kringum hrauntunguna. 

„Við erum að fylgjast vel með og erum tilbúnir að bregðast við því ef þetta breiðir úr sér,“ seg­ir Ein­ar Sveinn Jóns­son, slökkviliðsstjóri í Grinda­vík, við mbl.is.

Erfitt aðgengi að eldunum

Hann segir að um sé að ræða tiltölulega litla gróðurelda á afmörkuðu svæði en aðgengið sé ekki gott. Slökkviliðið notar dróna sem fljúga yfir svæðið til að fylgjast með.

Slökkviliðið hefur síðustu daga farið að hrauntungunni og bleytt grasið til að halda eldunum niðri. 

Spurður um hvort líklegt sé að eldarnir nái að breiða úr sér segir Einar að það sé þurrt á svæðinu og engin rigning í veðurspánni næstu daga. Slökkviliðið sé þó vel mannað og fylgist vel með.

Frétt af mbl.is

Ójafnvægi vegna mismunandi núnings í gosrásinni

Svifryk í andrúmsloftinu

Veðurstofunni hefur borist tilkynning um svifryk vegna gróðureldanna á svæðinu. Þetta staðfestir Salóme Jórunn Bernharðsdóttir náttúruvársérfræðingur hjá Veðurstofu Íslands. 

Einnig hefur aðeins mælst af brenni­steinst­víoxíði (SO2) í andrúmslofti en ekki í neinum hættulegum gildum, segir hún.

Búist er við því að mengunin fari til suðvesturs í dag. 

Frétt af mbl.is

Hraunið rennur lengra en það ætti að gera

Tengdar fréttir

Eldvirkni á Reykjanesskaga

Hópur fólks reyndi að komast að eldgosinu

• Nyrstu hrauntungurnar dreifa úr sér
• Hraun kemur úr þremur gígum: Virknin stöðug
• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við

» Fleiri tengdar fréttir

• Blogga um frétt