Búið að flytja þann slasaða niður fjallið

Búið er að flytja erlenda skíðamanninn sem slasaðist í snjóflóðinu niður fjallið Þveröxl í Fnjóskadal.

Þetta kemur fram í tilkynningu frá Landsbjörgu. Myndir frá vettvangi fylgdu tilkynningunni.  

Maðurinn var fluttur niður fjallið af björgunarsveitarmönnum og er nú á leið með sjúkrabíl á Sjúkrahúsið á Akureyri. 

Tilkynning um snjóflóðið barst klukkan 15:38 og var þyrla Landhelgisgæslunnar auk björgunarveita á svæðinu kallaðar út. 

Fjórir skíðamenn voru í fjallinu er flóðið féll og slasaðist einn á fæti.