Sentinel–2, gervihnöttur ESA, var aftur á ferðinni yfir Reykjanesið í gær og hafa myndir frá gervihnettinum, sem sýna varmaútgeislun hraunsins, verið settar saman. 

Það er rannsóknareining í eldfjallafræði og náttúruvá við Háskóla Íslands sem raðaði saman bylgjulengdum frá gervihnettinum sem draga vel fram varmaútgeislun hraunsins, eins og sjá má á meðfylgjandi mynd. 

Frétt af mbl.is

Hrauntjörnin við gígana áberandi úr lofti

Í færslu rannsóknareiningar í eldfjallafræði og náttúruvá á Facebook segir að virkni hraunsins sé nú einkum í vestur kanti hraunsins, á milli Hagafells og Sundhnúks og er kvosin þar á milli að fyllast.

Þá segir jafnframt að helsti munurinn á gögnum frá Sentinel–2 og Landsat sé sá að upplausn gagna frá Sentinel–2 sé betri, en einingin hafði birt færslu á Facebook-síðu sinni í gærkvöldi með mynd frá Landsat. 

Landsat flaug yfir í gær og með hjálp jarðvísindastofnun Bandaríkjanna fékk Rannsóknareining í eldfjallafræði og náttúruvá við Háskóla Íslands að lesa af gervihnettinum. Mynd/Háskóli Íslands

Tengdar fréttir

Eldvirkni á Reykjanesskaga

„Horfum björt fram á veg“

• Hættustigi lýst yfir
• „Mér líður ömurlega“
• Hættan eykst á gosi í Grindavík
• Myndskeið: Rýkur úr sprungu sem klýfur Hagafell

» Fleiri tengdar fréttir

• Blogga um frétt