Starfsemi Bláa lónsins mun hefjast að nýju í hádeginu á morgun þrátt fyrir að það sé óbreytt mat lögreglustjórans á Suðurnesjum að ógn geti stafað af hraunrennsli og gasmengun við Svartsengi við núverandi aðstæður. Þetta var niðurstaða eftir fund forráðamanna Bláa lónins og lögreglustjórans í hádeginu í dag.

Í tilkynningu frá lögreglustjóranum segir að hætta sé talin á að loftmengun geti ógnað heilsu manna inn á merktu hættusvæði og að hætta sé vegna gasmengunar.

Frétt af mbl.is

„Ekki túristagos enn sem komið er“

„Það er ákvörðun Bláa Lónsins að hefja starfsemi að nýju að höfðu samráði við lögreglustjórann á Suðurnesjum á morgun laugardag, kl. 12.   Á starfssvæði Bláa Lónsins er nú þéttriðið net gasmæla. Þá er veðurstöðstaðsett á einni bygginu Bláa Lónsins. Eftirlit og viðbragð við hugsanlegri gasmengun er nú með allt öðrum hætti en áður hefur verið á starfssvæði Bláa Lónsins,“ segir í tilkynningunni.

Vísað er til þess að öryggisfulltrúi á vegum Bláa lónins muni sitja morgunfundi aðgerðastjórnar og vettvangsstjórnar daglega. Þá fór lögreglustjóri þess á leit við forsvarsmenn lónsins að þeir kynntu mótvægisaðgerðir fyrir Umhverfisstofnun, Heilbrigðiseftirliti Suðurnesja, Vinnueftirlitinu og sóttvarnalækni.

Tekið er fram að gestum Bláa Lónsins sem og öðrum en viðbragðsaðilum, jarðvísindamönnum, blaðamönnum og þeim sem vinna inn í Svartsengi er ekki heimilt að ganga að gosinu frá bílastæðum Bláa Lónsins eða frá Grindavíkurvegi.

Innan svæðisins hafa mælst há gildi af SO₂ (brennisteinsdíoxíð), en þessi mengun er talin mjög óholl og líklegt að flestir gætu fundið fyrir einkennum í öndunarfærum. Segir í tilkynningunni að mikilvægt sé að dvelja innandyra við slíkar aðstæður, loka gluggum og slökkva á loftræstingu.  

Tengdar fréttir

Eldvirkni á Reykjanesskaga

„Mikilvægt að hvíla viðbragðið“

• Þetta er orð ársins 2024
• Heildarflatarmálið 9 km²: Landris heldur áfram
• Annað gos gæti brotist út í febrúar
• Vilja varðveita ummerki jarðhræringanna í Grindavík

» Fleiri tengdar fréttir

• Blogga um frétt