Sjálfstæðismenn funda síðar í dag

Boðað hefur verið til þingflokksfundar hjá Sjálfstæðisflokknum klukkan 15:00 í dag samkvæmt upplýsingum mbl.is. Ekki er vitað nákvæmlega um efni fundarins, en nú stendur yfir ríkisstjórnarfundur og er talið líklegt að Katrín Jakobsdóttir forsætisráðherra muni í dag tilkynna um að hún muni sækjast eftir embætti forsta Íslands.

Frétt af mbl.is

Hópur blaðamanna bíður eftir ríkisstjórninni

Há­vær­ar vanga­velt­ur hafa verið síðustu daga um hvort Katrín myndi lýsa yfir fram­boði sínu, og hafa rík­is­stjórn­ar­flokk­arn­ir setið á rökstól­um um fram­hald stjórn­ar­sam­starfs­ins. Þing kem­ur sam­an á mánu­dag­inn eft­ir páskafrí og er talið að liggja þurfi þá ljóst fyr­ir hvort Katrín láti verða af fram­boði sínu. 

Frétt af mbl.is

Tilkynnir líklega um framboð í dag

Eins og fram kom í Morgunblaðinu í dag er talið líklegt að Katrín muni biðjast lausnar eftir ríkisstjórnarfundinn fyrir sig og ráðuneyti sitt, ákveði hún að fara í framboð. Munu rík­is­stjórn­ar­flokk­arn­ir þá reyna að mynda nýja rík­is­stjórn und­ir for­sæti ann­ars.

• Blogga um frétt