Innlent | mbl | 7.4.2024 | 11:09 | Uppfært 12:07

Mun ekki verja Svandísi vantrausti

Jón Gunnarsson, alþingismaður Sjálfstæðisflokksins, mun ekki verja Svandísi Svanvarsdóttur, matvælaráðherra, vantrausti, sem boðað hefur verið og kemur til kasta alþingis í næstu viku.

Frétt af mbl.is

Hyggst enn leggja fram vantrausttilögu

Þetta staðfestir Jón í viðtali í Spursmálum þar sem hann er gestur ásamt Heiðu Kristínu Helgadóttur, framkvæmdastjóra og Snorra Mássyni, ritstjóra miðilsins Ritstjóra.

„Þetta er bara eitt af þessum stóru vandamálum sem við stöndum frammi fyrir í þessu ríkisstjórnarsamstarfi, þessi vantrauststillaga sem hefur verið boðuð og mun koma fram. Og ég hef sagt það áður að ég sé ekki bara út frá prinsippum hvernig þingmenn sem hafa einhver prinsipp í pólitík geti varið ráðherra sem gekk fram með slíku offorsi, sem hún gerði í þessu tilfelli og braut ekki bara lög heldur sennilega stjórnarskrá lýðveldisins. Og ég vil segja með opin augun því það var varað við þessu. Þetta lá svo í augum uppi. Látum liggja milli hluta dóminn, við getum rætt það, forsendur mála sem fara fyrir dómstóla og eru svona ágreiningsefni eins og dóminn sem ég var að vitna í áðan þar sem verk Guðmundar Inga voru dæmd ógild, að það er þá búið að fara þessa leið og það er einhver ágreiningur í málinu. En þarna, er þetta gert með svo augljósum tilgangi og þannig framferði að ég á mjög erfitt með að sætta mig við það og ætti mjög erfitt með að taka þátt í því að verja ráðherra vantrausti sem að stigi þannig fram.“

En þú útilokar það ekki?

„Nei, ég bara segi það. Ég mun ekki gera það. Ráðherra sem er í þessari stöðu í máli sem hefur fengið þessa afgreiðslu á sjálfur að stíga til hliðar.“

Svandís Svavarsdóttir matvælaráðherra hefur legið undir ámæli eftir að hún bannaði hvalveiðar fyrirvaralaust og með mjög skömmum fyrirvara á liðnu sumri. mbl.is/Kristinn Magnússon

Snorri Másson, blandar sér þá í umræðuna og varpar fram spurningu til þingmannsins:

„En ef þú verð hana ekki vantrausti. Muntu sætta þig við að aðrir flokksmenn muni verja hana vantrausti?“

Lítið mál að boða til kosninga

Frétt af mbl.is

Sennilega ekki með símanúmerið hjá Guðmundi Inga

Og Jón svarar um hæl:

„Það verður bara að koma í ljós. Það er auðvitað í mörg horn að líta núna þegar við hugsum til þessara 18 mánaða sem eru eftir af þessu kjörtímabili. Og ég fór ágætlega hér yfir valkostina sem við stöndum hér frammi fyrir. Heiða segir hér að það vilji nú enginn flokkur, annar en VG vinna með Framsókn og Sjálfstæðismönnum, nú þá er bara það augljósa sem ég sagði áðan. Þá boðum við bara þjóðina til alþingiskosninga.,“ segir Jón Gunnarsson að lokum.

Viðtalið við Jón Gunnarsson, Heiðu Kristínu Helgadóttur og Snorra Másson má sjá í spilaranum hér fyrir neðan: