Katrín mælist með mesta fylgið
Setja bókamerki
Katrín Jakobsdóttir mælist með mest fylgi í komandi forsetakosningum eða um 32,9 prósent.
Þetta kemur fram í nýrri könnun Maskínu. Baldur Þórhallsson mælist með næstmest fylgi eða 26,7 prósent en sá þriðji vinsælasti er Jón Gnarr með 19,6 prósent.
Halla Tómasdóttir mælist fjórða í könnun Maskínu, 7,9 prósenta fylgi.
Katrín vinsælust hjá Sjálfstæðismönnum
Þá eru tölur heilt yfir svipaða á milli landshluta að undanskildu Austurlandinu þar sem skoðanir virðast skiptari. Eru íbúar þar sérstaklega hliðhollir Baldri en 53,3 þeirra myndu kjósa hann ef kosningar færu fram á morgun, en til samanburðar myndu aðeins 2,4 prósent íbúa á Austurlandi kjósa Jón Gnarr og 18,5 prósent Katrínu.
Þá er það einnig eftirtektarvert að Katrín mælist vinsælust meðal Sjálfstæðismanna og Framsóknarmanna með 44,2 prósent og 42,1 prósent fylgi. Þá er hún enn vinsæl meðal fyrrum flokkssystkina sinna en 93,1 prósent kjósenda Vinstri Grænna myndu kjósa Katrínu.
Þá eiga bæði Baldur og Jón Gnarr mestar vinsældir sínar að sækja til Pírata en 42,2 prósent þeirra myndu kjósa Baldur og 35,4 prósent Jón.
Þá myndu 40,1 prósent Sósíalista kjósa Baldur en Jón Gnarr á næstmest fylgi að sækja í Miðflokkinn með 28 prósent stuðning.
Kvikusöfnun 80% af því sem var fyrir síðasta gos
Stjórnvöld stíga ekki inn í kjaradeilurnar
Erfiðara mun reynast að verja Svartsengi
Víðir gerir upp mistök frá covid-tímanum
Alvarlega veikar og greindust að lokum með alnæmi
Kílómetragjald: „Mikilvægt að málið verði klárað fyrir þinglok“
Ný könnun: Sjálfstæðisflokkur dalar enn