Vantrauststillaga á hendur Svandísi Svavarsdóttur, sem enn er matvælaráðherra, hefur verið lögð fyrir Alþingi. Þetta staðfestir Inga Sæland, formaður Flokks fólksins, í samtali við mbl.is.

„Vantrauststillagan hefur verið skráð inn. Spurningin er bara hversu hratt Svandís hleypur úr ráðuneytinu til að losna við hana,“ segir Inga í samtali við mbl.is.

„En stóra spurningin er hvort ég muni elta hana á milli ráðuneyta.“

Frétt af mbl.is

Mun ekki verja Svandísi vantrausti

Líklega á dagskrá á morgun eða miðvikudag

Vantrauststillagan byggir á því að hvalveiðibann sem Svandís setti á síðasta sumar hafi ekki átt sér skýra stoð í lögum samkvæmt áliti Umboðsmanns Alþingis, Skúla Magnússonar. 

Aðspurð segir Inga að vantrauststillagan verði líklega sett á dagskrá á morgun eða miðvikudag þó að sjálfsögðu sé það forseta Alþingis að ákveða formlega dagskrá. 

Eins og fram hefur komið hefur tillagan þegar verið lögð fram áður en í því tilfelli var hún dregin til baka í kjölfar veikinda Svandísar sem fór tímabundið af þingi vegna þeirra. 

Frétt af mbl.is

Stjórnarflokkar þrefa enn um bæði menn og málefni

Tengdar fréttir

Hvalveiðar

Óvíst hvort umsóknir verði afgreiddar fyrir kosningar

• Mál Black Cube ekki á borði ríkissaksóknara
• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“

» Fleiri tengdar fréttir

• Blogga um frétt