Mikilfenglegur hraunfoss hóf að flæða niður gígbarminn á eina gígnum sem enn gýs í á Sundhnúkagígaröðinni upp úr klukkan 15 í gær.

Frétt af mbl.is

Gýs aðeins úr einum gíg

Ármann Höskuldsson eldfjallafræðingur segir breytinguna til marks um að dregið hafi úr krafti eldgossins og spáir goslokum í vikunni. Þorvaldur Þórðarson eldfjallafræðingur segir gosið geta varað í einhverjar vikur.

Líkist eldgosinu í Geldingadölum

„Það er bara einn gígur eftir eins og staðan er núna og þetta minnkar bara hægt og rólega og það styttist í endalok á þessu,“ segir Ármann.

Frétt af mbl.is

Beint: Hraun fossar niður yfirfullan gíginn

„Sprungan sem opnaðist er fyrst og fremst norðaustur-suðvestur og hún hagar sér eins og felliköttur – um leið og þrýstingurinn er búinn þá lokast hún en svo í suðurhluta sprungurnar tengist allt í einu við hana norður-suður sprunga sem lokar sér ekki eins. Þess vegna vellur enn þá þar upp. Það er bara opið niður.“

Ármann líkir hegðun eldgossins nú við gosið í Geldingadölum að því leytinu til að sprungan lokast ekki: „Á móti kemur að það er ekki að gefa í heldur hægt og rólega að tæma geyminn undir Svartsengi.“

Lesa má meira um málið í Morgunblaðinu í dag. 

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir