Bláa lónið er lokað í dag vegna gasmengunar frá eldgosinu í Sunhnúkagígaröðinni. Til stendur að opna það aftur á morgun. 

Þetta kemur fram í tilkynningu á vef Bláa lónsins.

Bláa lóninu opnaði að nýju 6. apríl eftir að hafa staðið lokað frá því að eldgosið hófst þann 16. mars.

„Sundhnúkagígaröðin er virk en hraunflæði ógnar ekki innviðum við starfsstöðvar Bláa Lónsins. Helstu þættir sem hafa áhrif á starfsemi Bláa Lónsins nú eru áhrif eldgossins á loftgæði,“ segir í tilkynningu Bláa lónsins.

Frétt af mbl.is

Opna Bláa lónið en enn er ógn af gasmengun

Hafa fjölgað gasmælum

Þá kemur fram að Bláa lónið hafi stækkað net gasmæla í og við Bláa lónið. Veðurathugunarstöð er hjá Bláa lóninu þar sem veður og vindur hafa úrslitaáhrif á loftgæði svæðisins.

„Við höldum áfram að fylgja tilmælum yfirvalda til hins ítrasta og fylgjumst vel með stöðunni í samstarfi við yfirvöld og sérfræðinga. Við vinnum ötullega að því alla daga að tryggja öryggi starfsfólks og gesta, lærum af reynslunni og nýtum nýja þekkingu á uppbyggilegan hátt,“ segir í tilkynningunni.

Tengdar fréttir

Eldvirkni á Reykjanesskaga

„Horfum björt fram á veg“

• Hættustigi lýst yfir
• „Mér líður ömurlega“
• Hættan eykst á gosi í Grindavík
• Myndskeið: Rýkur úr sprungu sem klýfur Hagafell

» Fleiri tengdar fréttir

• Blogga um frétt