Eldgosið við Sundhnúkagíga helst stöðugt og landris heldur áfram á svipuðum hraða og í byrjun apríl.

Þetta kemur fram í nýrri færslu á vef Veðurstofu Íslands en þar segir að áfram sé einn gígur virkur eins og hefur verið síðan 5. apríl.

„Hraun rennur áfram til suðurs frá gígnum en nær ekki langt og hraunbreiðan heldur því áfram að byggjast upp nærri gígnum. Engin greinileg merki eru um framrás hrauns við varnargarða norðan Grindavíkur, Suðurstrandarveg eða Melhólsnámu,“ segir jafnframt.

Frétt af mbl.is

Grynnra á dýpra kvikuhólfið en áður var talið

Kvikan veldur auknum þrýsting og landrisi

Fram kemur að landrisið í Svartsengi haldi áfram á svipuðum hraða en í byrjun mánaðarins jókst hraði þess miðað við tímabilið frá því eldgosið hófst 16. mars til mánaðamóta.

Það gefi til kynna að meirihluti kvikunnar sem streymir undir Svartsengi safnist saman þar og valdi auknum þrýstingi og landrisi.

Frétt af mbl.is

Orðið víðfeðmara en hin gosin á Reykjanesskaga

„Á meðan eldgosinu stendur er þó áfram opin tenging á milli kvikusöfnunarsvæðisins í Svartsengi og Sundhnúkagígaraðarinnar og hluti kvikunnar flæðir þar upp á yfirborð. Mishraðar breytingar á landrisinu geta sést á milli daga en heilt yfir er hraðinn stöðugur síðan í byrjun apríl,“ segir enn fremur i færslu Veðurstofunnar.

Hættumat er óbreytt og gildir að öllu óbreyttu til kl. 15 þann 16. apríl.

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt