Grindavíkurvegur, frá Reykjanesbraut að Grindavík, er nú opinn fyrir umferð. Opnunin gildir aðeins fyrir Grindvíkinga, viðbragðsaðila og starfsfólk fyrirtækja í Grindavík og við Svartsengi. 

Þetta kemur fram á vef Vegagerðarinnar en þar segir að búið sé að leggja nýja vegkafla yfir hraunið sem rann yfir Grindavíkurveg í síðustu þremur eldgosum. Hvort tveggja við vegamótin við Bláalónsveg og sunnar þar sem hraun rann yfir Grindavíkurveg í eldgosinu í janúar.

Lokunarpóstar færðir

Þar hefur verið gerður sveigur á veginn til að leiða umferðina inn til Grindavíkur á milli varnargarða. Hönnunin er þannig að ekki þarf af fylla upp í það bil á varnargarðakerfinu komi til þess að hraun renni á þessu svæði.

Lokunarpóstur hefur verið færður við afleggjarann að HS Orku í Svartsengi og hægt er að aka óhindrað að Bláa lóninu. Þá hefur lokunarpóstur á Suðurstrandarvegi verið færður að P-1 bílastæði við Festarfjall.

Tengdar fréttir

Eldvirkni á Reykjanesskaga

Tilbúin að bregðast við skelli slæm sviðsmynd á

• Hraunflæði ógnar innviðum við Svartsengi
• Sér ekki fyrir endann á gosinu: „Nei, nei“
• „Gengið vel“ að verja rafmagnsmastrið
• Bláa lónið framlengir lokun fram á föstudag

» Fleiri tengdar fréttir

• Blogga um frétt