Katrín mælist áfram með mesta fylgið
Setja bókamerki
Katrín Jakobsdóttir mælist með 30% stuðning í nýjum þjóðarpúlsi Gallups og mælist Baldur Þórhallsson með 26% fylgi. Jón Gnarr mælist með 18% fylgi en allir aðrir frambjóðendur mælast með 7% fylgi eða minna.
Ekki er tölfræðilega marktækur munur á fylgi Katrínar og Baldurs. Fólk er líklegra til þess að kjósa Katrínu ef það er eldra á sama tíma og fólk sem er yngra er líklegra til að kjósa Jón Gnarr.
Halla Tómasdóttir mælist með 7% fylgi en Arnar Þór Jónsson og Halla Hrund Logadóttir mælast bæði með 4% fylgi.
Steinunn og Ásdís með 2% fylgi
Steinunn Ólína Þorsteinsdóttir og Ásdís Rán Gunnarsdóttir mælast með 2% fylgi og Ástþór Magnússon með 1% fylgi.
Þetta er fyrsta könnun Gallup um fylgi frambjóðenda síðan Katrín tilkynnti framboð þann 5. apríl. Könnunin var framkvæmd dagana 5. til 11. apríl.
1731 manns voru í úrtaki hjá Gallup og var þátttökuhlutfall 46,4 prósent. 87 prósent þátttakenda tóku afstöðu.
Ekki ólíkt niðurstöðum Maskínu
Maskína birti könnun í vikunni sem var ekki með mjög ólíkar niðurstöður.
Þar mældist Katrín með tæplega 33% fylgi en Baldur með 26,7% fylgi. Aðrir frambjóðendur mælast með álíka mikið í könnun Gallup og Maskínu.
Hótar Bretum og Bandaríkjamönnum
Hópur fólks reyndi að komast að eldgosinu
Þarf að koma til móts við ólíkar þarfir lækna
Dómur þyngdur um þrjú ár
Rússar sagðir útvega N-Kóreu milljón olíutunnur
Sjötti ferðamaðurinn er látinn
Nýtt fangelsi í landi Stóra-Hrauns tilbúið 2028
/frimg/1/53/8/1530844.jpg)
Myndir: Náttúrulegur þröskuldur að taka við
