Starfsmaður á skemmtistað í miðbæ Reykjavíkur var handtekinn fyrir líkamsárás í nótt. Sá sem varð fyrir árásinni var fluttur á bráðamóttöku Landspítalans.
Þetta kemur fram í dagbók lögreglu í morgun.
Þar segir að nokkuð hafi verið um útköll tengt ölvun, grunsamlegum mannaferðum sem og ólátum eða slagsmálum.
Meðal annars var einstaklingur handtekinn grunaður um að veitast að öðrum með hnífi í Hlíðunum.