Sigmundur Davíð bundinn í ólar

Bakmeiðsl Bergþórs Ólasonar, þingflokksformanns Miðflokksins, urðu til þess að Sigmundur Davíð Gunnlaugsson, formaður flokksins, var sendur í Pilates-líkamsrækt, sem hann ber saman við annars óskyld áhugamál einkalífsins.

Hann ber ummerki þeirrar líkamsræktar ef ekki áverka, en er samt sáttur við hlutskipti sitt.

Þetta kemur fram í þætti Dagmála, en þar lýsir Þorbjörg Sigríður Gunnlaugsdóttir, þingmaður Viðreisnar, yfir stuðningi við Sigmund Davíð í þeirri viðleitni.

Í þættinum lýsa þau einnig hvernig þau hafi nánast verið í sambúð á Grænlandi um talsvert skeið, en á tíma hafi verið alls óvíst hvenær eða hvort þau sneru til baka til heimalandsins.

Fram kemur að þau hafi þar einnig stundað bæði óhefðbundið félagslíf og mataræði.

Í þættinum var að öðru leyti fjallað um ástand og horfur í stjórnmálum, forsetakjör, lífstíl stjórnmálamanna og margt fleira.

Þættir Dagmála eru opnir öllum áskrifendum Morgunblaðsins, en sjá má þáttinn í heild sinni með því að smella hér.

• Blogga um frétt