Slæmt veður skyggir á vefmyndavélar Veðurstofu Íslands hjá gosstöðvunum við Sundhnúkagíga og hindrar flug yfir svæðið.

Frétt af mbl.is

Að minnsta kosti vika í nýtt gos

Staðan á gosinu er þó með svipuðu móti og hefur verið undanfarið og engar sýnilegar breytingar í kortunum. 

„Við gerum þó ráð fyrir að gosið sé enn í gangi,“ segir Hildur María Friðriksdóttir, sérfræðingur á sviði jarðskorpuhreyfinga hjá Veðurstofu Íslands. 

Frétt af mbl.is

Ný staða uppi og óvissan meiri

Veður hindrar flug

Hildur María segir skjálftavirkni vera litla og þenslu með sama móti og undanfarið. 

Spurð út í framhaldið varðandi annað gos segir hún: „Við búumst í raun og veru ekki við neinu í dag eða á næstunni. Við viljum bara hafa vaðið fyrir neðan okkur og erum öllu viðbúin.“ 

Hún segir engin fundarhöld á dagskrá í dag varðandi gosóróa og segir engin flug á dagskrá yfir gosstöðvarnar, enda ekki veður til þess. 

„Af því að það eru engar breytingar að sjá þá eru allir nokkuð slakir yfir stöðunni núna,“ segir hún. 

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt