Lögreglan segir að áverkar á karlmanni á fertugsaldri, sem er frá Litháen, hafi leitt til grunsemda um að andlát hans í sumarbústað í Kiðjabergi á Suðurlandi hafi borið að með saknæmum hætti.

Fjórir hafa verið handteknir vegna málsins og hafa verið úrskurðaðir í gæsluvarðhald. Tveir fram á miðvikudag og tveir í átta daga gæsluvarðhald sem lýkur 30. apríl. Þrír mannanna hafa kært gæsluvarðhaldsúrskurðinn til Landsréttar en einn ekki.

Tjáir sig ekki um játningu 

Jón Gunnar Þórhallsson, yfirlögregluþjónn hjá hjá lögreglunni á Suðurlandi, tjáir sig ekki um það hvort játning liggur fyrir í málinu eða ekki.

„Það er eitthvað sem ég get ekki tjáð mig um,“ segir hann í samtali við mbl.is.

Jón Gunnar segir að upphaflega hafi borist tilkynning um meðvitundarlausan mann. Áverkar á manninum bentu hins vegar til þess að andlátið hafi borið að með saknæmum hætti.

Frétt af mbl.is

Krefjast gæsluvarðhalds yfir fjórum mönnum

„Eitt af því sem benti til þess að um manndráp væri að ræða eru áverkar á hinum látna.“ 

Vettvangsrannsókn stendur enn yfir 

Hann segir eitt af því sem sé til rannsóknar sé hvort ölvun hafi átt hlut í máli en  vettvangsrannsókn er ekki lokið að sögn Jón Gunnars.

Frétt af mbl.is

Grunur um manndráp í sumarhúsi

Á vef RÚV segir að sakborningarnir hafi verið að byggja bústað í Kiðjabergi. Við hlið lóðarinnar var leigður bústaður undir starfsfólk þar sem það hafði afdrep á meðan smíði bústaðarins stóð.

Tengdar fréttir

Grun­ur um mann­dráp í sum­ar­húsi

„Er í forgangi hjá okkur“

• Rannsókn lokið og málið kom á borð héraðssaksóknara
• Rannsókn á manndrápi á lokastigi
• Rannsókn á manndrápi á lokastigi
• Bíða eftir niðurstöðu frá Landsrétti

» Fleiri tengdar fréttir

• Blogga um frétt