Bifreið ekið á skrifstofu Útlendingastofnunar
Setja bókamerki
Bifreið var ekið inn í skrifstofu Útlendingastofnunar á Dalvegi um klukkan hálffjögur. Einn hefur verið fluttur á slysadeild með áverka.
Gunnar Hilmarsson, aðalvarðstjóri hjá lögreglustöð 3 í Kópavogi, staðfestir þetta í samtali við mbl.is en lögreglustöðin er einnig til húsa á Dalvegi.
Steig óvart á bensíngjöfina
Að sögn Gunnars var ekki um viljaverk að ræða. Hafði eldri kona sem var að leggja í stæði fyrir mistök stigið á bensíngjöfina er hún ætlaði að bremsa með þeim afleiðingum að bifreiðin fór í gegnum rúðu.
Karlmaður sem sat við vinnu nálægt glugganum slasaðist en þó ekki alvarlega. Hefur hann verið fluttur á slysadeild.
Þá fór ofnlögn jafnframt í sundur og flæddi heitt vatn um gólfin.
Lárus Steindór Björnsson, varðstjóri hjá slökkviliðinu á höfuðborgarsvæðinu, segir að dælubíll og sjúkrabíll hafi verið sendir á vettvang.
Fréttin hefur verið uppfærð.
Vegirnir voru eins og borðstofuborð
Ekki vandamál að vera karlmaður
Gasmengun gæti borist yfir höfuðborgarsvæðið
Í kappi við tímann að reyna að afstýra verkfalli
Hentugt gos fyrst gýs á annað borð
Flestir sem hvergi finnast koma frá Sómalíu
Pútín reynir allt til að forðast aðra herkvaðningu