Fara ekki lengur fram á einangrun yfir Davíð
Setja bókamerki
Lögreglan á höfuðborgarsvæðinu mun í dag fara fram á áframhaldandi gæsluvarðhald yfir þremur sakborningum vegna rannsóknar á mansali, skipulagðri brotastarfsemi og peningaþvætti í tengslum við viðskiptaveldi Davíðs Viðarssonar, áður Quang Lé.
Grímur Grímsson, yfirlögregluþjónn miðlægrar rannsóknardeildar lögreglu, staðfestir þetta í samtali við mbl.is.
Sakborningarnir þrír sem um ræðir eru Davíð, fyrrverandi eiginkona hans og bróðir.
Fjögurra vikna gæsluvarðhald
Að sögn Gríms verður farið fram á fjögurra vikna framlengingu á gæsluvarðhaldi, eða til 21. maí.
Þá mun lögregla ekki krefjast einangrunar yfir þremenningunum sem hafa verið í varðhaldi frá 5. mars, þegar lögregla réðst í umfangsmiklar aðgerðir og lokaði hóteli, gistiheimili og veitingastöðum Davíðs.
Grímur segir rannsóknina ganga vel. Mikið og flókið verk sé þó fyrir höndum. Aðspurður kveðst hann ekki vita til þess að meintir brotaþolar hafi flust úr landi.
Fundur fljótlega: „Það er að fæðast fallegt barn“
Segir neyðarástand yfirvofandi
Innherji: Skattar, ESB og neyðarlög á Seðlabankann?
Vilja niðurfellingu opinberra gjalda
Allt að 80% aukning milli ára
Börn bundin í stóla og borða ekki sjálf
Sjá ekki fyrir mörg ágreiningsmál