Einn sakborningur er í gæsluvarðhaldi vegna gruns um aðild að andláti konu í fjölbýlishúsi á Akureyri, að sögn Skarphéðins Aðalsteinssonar, aðstoðaryfirlögregluþjóns hjá lögreglunni á Norðurlandi eystra.

Karlmaðurinn sem sætir gæsluvarðhaldi er sá eini með stöðu sakbornings í málinu.

Lögregla var kölluð út að fjölbýlishúsi á Akureyri klukkan 4.30 aðfaranótt mánudags. Lögregluþjónum sem komu á vettvang var vísað á meðvitundarlausa konu. Hófust endurlífgunartilraunir þegar í stað en þær báru ekki árangur.

Frétt af mbl.is

Lögreglan rannsakar andlát konu í fjölbýlishúsi

Halda spilunum þétt að sér

Aðalsteinn kvaðst ekki geta gefið upplýsingar um hvort fleiri hefðu verið í íbúðinni þegar konan lést, hvort játning lægi fyrir í málinu, hvort lögreglan hefði áður þurft að hafa afskipti af manninum sem sætir gæsluvarðhaldi, á hvaða aldri maðurinn væri, á hvaða aldri konan hefði verið, hver hefði tilkynnt málið til lögreglu eða hver tengslin væru á milli mannsins og konunnar.

Lögreglan á Norðurlandi eystra naut aðstoðar tæknideildar lögreglunnar á höfuðborgarsvæðinu. Að sögn Skarphéðins er tæknideildin komin aftur suður og er hún að mestu búin með sína rannsókn.

Frétt af mbl.is

Úrskurðaður í vikulangt varðhald

Tengdar fréttir

Manndráp á Akureyri

Beitti konuna margs konar ofbeldi

• Áfram í gæsluvarðhaldi vegna gruns um manndráp
• Rannsókn í meintu manndrápsmáli á „lokametrunum“
• Áfram í haldi grunaður um manndráp
• Fara fram á áframhaldandi gæsluvarðhald

» Fleiri tengdar fréttir

• Blogga um frétt