Stóri plokkdagurinn er í dag og verður nú haldinn í sjöunda sinn. 

Rótarý-hreyfingin á Íslandi skipuleggur daginn með aðstoð Landsvirkjunar og umhverfis-, orku- og loftslagsráðherra. Langflest sveitarfélög taka þátt í verkefninu.

Guðni Th. Jóhannesson forseti og Guðlaugur Þór Þórðarson umhverfis-, orku- og loftslagsráðherra setja daginn formlega klukkan 10 við Grafarvog. Safnast verður saman fyrir neðan Stórhöfða 17. Róatrý-klúbburinn í Grafarvogi hefur skipulagt „plokkviðburð“ þar á milli klukkan 10 og 12 og hvetja alla til þátttöku. 

Í tilkynningu kemur fram að endurvinnslustöðvar Sorpu taka á móti plokkuðu rusli endurgjaldslaust dagana í kringum Stóra plokkdaginn. 

Hér að neðan má sjá skipulagða viðburði á Stóra plokkdeginum:

• Mosfellsbær: Rótarý plokkar kl. 13, hist við Rótarýlundinum við Skarhólabraut.
• Reykjavík, Rótarýklúbbur Reykjavíkur plokkar Öskjuhlíð kl 11, hist við Nauthól.
• Reykjavík, Grafarvogur: Rótarý plokkar Grafarvoginn sjálfan kl. 10-12. Setning Plokk dagsins, hist fyrir neðan Nings Stórhöfða.
• Reykjavík, Breiðholt: Rótarýklúbburinn Reykjavík-Breiðholt kl. 11 við Gerðuberg. Pylsupartý á eftir.
• Reykjavík, Árbær-Norðlingaholt: Rótarý plokkar kl. 13.30-16 hist við Ársel. Pulsugrill og gos á eftir.
• Kópavogur: HK-ingar plokka kl. 11-13 við Kórinn og nærumhverfi. Veitingar á eftir.
• Garðabær: Rótarý Hof og Garðar plokka kl. 12-14 við Vífilstaði. Pulsugrill á eftir.
• Garðabær: Sjálandsskóli plokkar við skólann kl. 14. Ís á eftir.
• Álftanes: Rauði Krossinn og forsetinn plokka Álftanesið.
• Hafnarfjörður: Rótarý plokkar kl. 10-12 við Sólvang, Lækjarskóla og Lækinn. Kaffi og kleinur á eftir.
• Hafnarfjörður: Rótarý Straumur plokkar kl. 10-12 í miðbænum.

Norðurland

• Akureyri: Rótarý plokkar kl. 10-12 hittast við Leirunesti.
• Kelduhverfi: Rótarskot í Norðaustri plokkar kl. 13-15 fjöruna við Fjallahöfn. Vöfflukaffi á eftir.

Austurland

• Stöðvarfjörður: Plokkað kl. 11 hittast við Grunnskóla Stöðvarfjarðar. Grill á eftir.

Suðurland

• Selfoss: Rótarý plokkar kl. 13-15 vestast á Suðurhólum. Hist við Háheiði 2.
• Hveragerði: Plokkað kl. 10 og hist við Lystigarðinn.
• Eyrarbakki: Plokkað kl. 10 og hist við Olís sjoppuna. 

Vestfirðir

• Tálknafjörður: Tálknafjarðarskóli plokkar kl. 13 á Lækjartorgi. Kökur og drykkir á eftir. 

Þá má einnig finna ýmsar upplýsingar á plokk.is.

Tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

Sorphirða

Kvarta yfir rusli á óbyggðum lóðum

• Úr 25 milljónum poka í tæpar fjórar
• Furða sig á 70% hækkun
• Kubbur á áætlun í Kópavogi í næstu viku
• Bregðast við sóðaskapnum með djúpgámum

» Fleiri tengdar fréttir

• Blogga um frétt