„Strandar ekki á launaliðnum“
Setja bókamerki
Unnar Örn Ólafsson, formaður félags flugmálastarfsmanna (FFR) segir að kjaraviðræður starfsmanna strandi ekki á launalið viðræðna. Hins vegar séu sértæk atriði á borð við réttindi í fæðingarorlofi og greiðslur fyrir aukavaktir sem sé bitbein viðsemjenda.
Fyrr í dag var send tilkynning um að starfsmenn FFR og Sameyki hefðu samþykkt verkfallsaðgerðir á Keflavíkurflugvelli.
„Við erum að vonast til þess að niðurstöður kosninga hreyfi við viðsemjendum okkar,“ segir Unnar.
Vinnuskylda, greiðsla fyrir vaktir og áherslur í orlofi
Hann segir ekkert ósætti um launaliðinn. Hins vegar eru sértæk mál sem eru óleyst.
„Þetta snýst um réttindi sem eru í gildi í öðrum samningum Isavia,“ segir Unnar.
„Þetta snýst um vinnuskyldur, greiðslu fyrir aukavaktir, áhersla orlofs í fæðingarorlofi. Í raun allt saman atriði sem ekki er hægt að heimfæra á starfið sjálft,“ segir Unnar.
Enginn svakalegur kostnaður
Hann telur sérstakt að málin séu komin á þann stað að boða hafi þurft til verkfalla.
„Þetta er engin svakalegur kostnaður á bakvið þetta. Þetta snýst um að fyrirtæki séu með ákveðna stefnu og SA þarf að ganga þá leið að jafna þetta,“ segir Unnar.
Formaðurinn útilokar ekki undirritun í kvöld
Falskur fyrirvari á auglýsingum Höllu
Heimildarmenn tala um hápólitískt drama
Létu lofthræðsluna ekki á sig fá
Fæðuöryggi: „Áttum mat í þrjár vikur“
Ákærður fyrir stunguárás á menningarnótt
Fundur hafinn hjá kennurum, ríki og sveitarfélögum