Hraun úr eldgosinu við Sundhnúkagíga hefur undanfarnar vikur hlaðist upp við varnargarða austan Grindavíkur. Ef kraftur gossins eykst eða nýjar sprungur opnast suður af núverandi gosopi, þarf að gera ráð fyrir framrás hraunjaðarsins við varnargarða austan Grindavíkur.

Þetta kemur fram í nýrri færslu vísindamanna á vef Veðurstofu Íslands.

Á laugardag fór lítil hrauntunga yfir varnargarð austan Grindavíkur. Talin er hætta á að slíkum tilfellum fjölgi, ef kraftur gossins eykst á ný.

Frétt af mbl.is

Land rís enn og skjálftavirkni hefur aukist lítillega

Nýjar sprungur eða aukin virkni

Tvennt er talið líklegast hvað varðar framhaldið, eins og segir á vef Veðurstofunnar:

1. Nýjar gossprungur opnast á svæðinu milli Stóra-Skógfells og Hagafells og/eða núverandi gosop stækkar vegna skyndilegrar aukningar í hraunflæði sem gæti orðið sambærilegt við upphafsfasa síðustu eldgosa á svæðinu. Það gæti gerst með mjög stuttum eða engum fyrirvara.
2. Einnig er mögulegt að kvikuflæði úr kvikuhólfinu undir Svartsengi yfir í virka gíginn á Sundhnúkagígaröðinni fari að aukast jafnt og þétt þar til að jafnvægi verði á milli innstreymi kviku inn í kvikuhólfið og útstreymis þaðan og uppá yfirborð.

Merki um nýtt kvikuhlaup væru eins og áður afar skyndileg og áköf smáskjálftahrina í og við kvikuganginn og landsig í Svartsengi.

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp

» Fleiri tengdar fréttir

• Blogga um frétt