„Því miður hefur verið halli á rekstri leikskóla Reykjavíkurborgar síðustu misseri,“ segir Helgi Grímsson, sviðsstjóri skóla- og frístundasviðs Reykjavíkur, í svari við fyrirspurn mbl.is um raunkostnað leikskóla borgarinnar sem var tæpum 2,5 milljörðum króna umfram fjárheimildir í fyrra.

Frétt af mbl.is

Afkoma borgarinnar 13 milljörðum undir áætlun

„Það sem ræður mestu um þessa niðurstöðu er að reiknilíkan leikskóla fangar illa raunrekstur og fjárþörf leikskólanna miðað við núverandi þjónustustig. Nýtt líkan verður væntanlega tekið í notkun á komandi vikum og er gert ráð fyrir að því fylgi viðbótarfjárheimildir úr borgarsjóði. Þá á rekstur leikskólanna að verða innan fjárheimilda,“ segir sviðsstjórinn enn fremur.

Hækkun ekki komið til álita

Segir hann leikskólastjóra þó hafa staðið sig vel í því krefjandi verkefni að gæta aðhalds í rekstri leikskóla eins og í öðru skóla- og frístundastarfi.

Er eðlilegt að kostnaðarhlutfall foreldra hafi lækkað svo mikið sem raun ber vitni samtímis því að reksturinn stendur í járnum?

„Samstaða hefur verið um í samfélaginu um að auka ekki álögur á barnafjölskyldur og því hefur ekki komið til álita að hækka leikskólagjöldin í Reykjavík þrátt fyrir þessa rekstrarniðurstöðu,“ svarar Helgi.

Eins og fram kom í fréttum mbl.is í gær kom meðal annars fram í skýrslu fjármála- og áhættustýringar borgarinnar að liðurinn „annar rekstrarkostnaður“ hefði numið samtals 66,4 milljörðum króna á síðasta ári og farið 4,9 milljarða umfram fjárheimildir. Hafi helstu frávikin  þar verið að finna í rekstrarkostnaði skóla- og frístundasviðs þar sem hráefniskostnaður mötuneyta hafi farið einn milljarð fram yfir fjárheimildir.

Tengdar fréttir

Fjárhagsörðugleikar Reykjavíkurborgar

Engir viðbótarsjóðir í boði

• Óábyrgt að segja allt í blóma
• „Erum að fara vel með hverja krónu“
• Ríkið geti lært ýmislegt af borginni
• „Hér hefur engu verið hagrætt nema sannleikanum“

» Fleiri tengdar fréttir

• Blogga um frétt