Þrjú slógu Íslandsmet í Öskjuhlíðinni

Mari Järsk, Andri Guðmundsson og Elísa Kristinsdóttir slógu Íslandsmet í bakgarðshlaupi Náttúruhlaupa í Öskjuhlíð í dag er þau kláruðu 51 hring. Hafa þau verið á hlaupum síðan klukkan níu á laugardagsmorgun. 

Hafa þau því hvert og eitt hlaupið 341,7 kílómetra. 

Þorleifur Þorleifsson átti metið sem þríeykið sló, en hann setti metið í Þýskalandi í fyrra er hann hljóp alls 50 hringi. 

Hlaupararnir ætla ekki að láta 51 hring duga og héldu þau Elísa, Mari og Andri öll af stað í 52. hring sinn. 

Hringurinn er 6,7 kílómetra langur.