Eldgosið sem nú stendur yfir í Sundhnúkagígaröð er þrefalt stærra en en gosin sem urðu í  desember og janúar. Hins vegar er það mun minna en gosið í Fagradalsfjalli árið 2021.

Þetta sýna mælingar Náttúrufræðistofnunar, Landmælinga, Veðurstofunnar, almannavarna og Jarðvísindastofnunar, auk þess sem notast var við gögn erlendra aðila úr Pleiades gervitunglunum. Þá hefur kortlagning frá Eflu verkfræðistofu einnig verið notuð, að því er segir í umfjöllun á vef Jarðvísindastofnunar Háskóla Íslands. 

Hraunflæðið um einn rúmmetra á sekúndu 

Mælingar sýna að hraunflæðið var 1.100 - 1.200 rúmmetrar fyrstu klukkustundina en svo dró hratt úr því. Var flæðið komið niður í um 100 rúmmetra eftir 6-8 klukkustundir.

Áfram dró úr hraunrennsli sem var komið niður í um 15 rúmmetrar á sekúndu. Er hraunrennslið nú komið í um einn rúmmetra á sekúndu.

Flatarmálið náði tæpum 6 ferkílómetrum þann 17. mars en hefur lítið aukist síðan og er nú um 6,2 ferkílómetrar.

Rúmmálið er talið vera um 34 milljónir rúmmetra, sem gæti samsvarað um 30 milljón rúmmetrum af þéttu bergi.

Tengdar fréttir

Eldvirkni á Reykjanesskaga

Taka þarf ákvarðanir um framtíð Grindavíkurbæjar

• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“
• Funduðu að næturlagi vegna gruns um kvikuhlaup

» Fleiri tengdar fréttir

• Blogga um frétt