Fylgi Höllu Hrundar hríðlækkar hjá Gallup
Setja bókamerki
Fylgi Höllu Hrundar Logadóttur hrynur um 11 prósentustig í nýjum Þjóðarpúlsi Gallup og eru hún og Katrín Jakobsdóttir nú hnífjafnar. Halla Tómasdóttir mælist nú með meira fylgi en Jón Gnarr.
Þetta kemur fram í nýjum þjóðarpúlsi Gallup sem RÚV greinir frá.
Halla Hrund mældist með 36% fylgi í könnun Gallup fyrir viku síðan en mælist nú með 25%. Katrín Jakobsdóttir mælist með 25% fylgi og bætir við sig tveimur prósentustigum frá síðustu könnun.
Halla Tómasdóttir stóreykur fylgið
Baldur Þórhallsson mælist með 18% fylgi og tapar einu prósentustigi á milli kannanna.
Athygli vekur að Halla Tómasdóttir stóreykur fylgi sitt og mælist nú með 11%, en hún mældist með 4% í síðustu könnun. Jón Gnarr er dottinn fyrir neðan Höllu Tómasdóttur og mælist nú með 10%.
Arnar Þór Jónsson sækir einnig í sig veðrið og mælist nú með 6% fylgi, en hann mældist með 3% fylgi í síðustu könnun Gallup.
Viktor með 2% fylgi
Viktor Traustason mælist með 2% fylgi og Steinunn Ólína Þorsteinsdóttir með 1% fylgi. Aðrir frambjóðendur mælast með minna en 1% fylgi.
Greinilegt er að miklar sviptingar hafa orðið á fylgi frambjóðenda síðan á föstudaginn í síðustu viku en þá voru haldnar kappræður hjá Ríkisútvarpinu og Halla Hrund mætti í Spursmál á mbl.is sem vakti þjóðarathygli.
Úrtakið var 2.525 manns og svarhlutfallið 49,5 prósent.
Óljóst hvort þyrlan sé fundin
„Okkur mun ekki bregða“
„Þær áttu bara að læra sína lexíu“
Krónan með stöðugasta móti
Eldvörpin byrjuð að gefa eftir
Alþjóðlegi sakamáladómstóllinn vill handtaka Netanjahú
Fann bein og tönn úr dýrum í sprungunni
Telur að Rússar herði sókn sína í norðaustri