Land rís enn í Svartsengi en vegna segulstormsins sem stendur yfir eru GPS-mælingar ónákvæmari en yfirleitt.

„GPS-mælingar á svæðinu hafa verð svolítið óáreiðanlegar núna. Af því það er svo mikil truflun út af geimveðrinu sem hefur verið í gangi,“ segir Einar Hjörleifsson, náttúruvársérfræðingur á Veðurstofu Íslands, í samtali við mbl.is.

Röskunin er samt ekki alvarleg, segir Einar.

Stjörnu­fræðing­ur­inn Sæv­ar Helgi Braga­son, gjarnan kenndur við viðfangsefni sitt, ræddi um segulstorma í samtali við mbl.is í gær.

Frétt af mbl.is

Gætum séð ljósin ef skýin þvælast ekki fyrir

Um 40 skjálftar

Skjálftavirkni jókst um sama leyti þegar eldgosinu lauk en Veðurstofa lýsti yfir goslokum á fimmtudag, uppstigningardag.

Nótt­in var aftur á móti ró­leg á Reykja­nesskaga hvað skjálftavirkni varðar. Um 40 skjálftar hafa mælst við kvikuganginn nálægt Grindavík frá miðnætti.

Þá hefur einnig verið nokkur skjálftavirkni undir Kleifarvatni síðustu daga en þar hafa skjálftar samt aðeins verið um tíu talsins í dag.

Frétt af mbl.is

Róleg nótt á Reykjanesskaga

Tengdar fréttir

Eldvirkni á Reykjanesskaga

Kosninga- eða jólagos?

• Gatan í bylgjum og bíllinn hoppaði
• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026

» Fleiri tengdar fréttir

• Blogga um frétt