Þórhildur Sunna fundar með Julian Assange
Setja bókamerki
Þórhildur Sunna Ævarsdóttir, þingflokksformaður Pírata og varaformaður Íslandsdeildar Evrópuráðsþingsins, er nú í Lundúnum vegna skýrslugerðar Evrópuráðsins um varðhaldið yfir Julian Assange.
Í tilkynningu frá Pírötum segir að hlutverk Þórhildar sé að skrifa skýrslu þar sem mat er lagt á hvort Assange sé í raun pólitískur fangi, og eigi því að sleppa án tafar, og sömuleiðis kælandi áhrif sem meðferðin á honum hafi gagnvart tjáningarfrelsi í Evrópu.
Þórhildur mun heimsækja Julian Assange á morgun í Belmarsh-fangelsi, þar sem honum hefur verið haldið án sakfellingar í fimm ár.
Haldið í fimm ár
Assange hefur verið í fangelsi í Bretlandi frá árinu 2019 á sama tíma og Bandaríkin hafa reynt að fá hann framseldan.
Bandaríkin vilja að Bretland framselji hann til þess að geta réttað yfir honum fyrir brot á njósnalögunum þar í landi. Assange heldur því fram að þar með sé verið að vega að fjölmiðlafrelsi og vernd uppljóstrara.
Assange er ákærður fyrir að hafa lekið trúnaðargögnum árið 2010 um stríðin í Írak og Afganistan. Yrði hann sakfelldur í öllum ákæruliðum gæti hann átt yfir höfði sér 175 ára fangelsisdóm.
Alvarleg netárás á Wise
„Hagræðingarmál eru í fyrsta sæti“
Hrikalegt að heyra fréttirnar
Ellefu skjálftar síðasta sólarhringinn
Þetta eru ráðherrar ríkisstjórnarinnar
Hækkun skilaði sér til bænda
„Aðstæður í stjórnmálum geta breyst á einni nóttu“