Hægt hefur gengið í kjaraviðræðum tollvarða við samninganefnd ríkisins og er nú til umræðu innan Tollvarðafélags Íslands að vísa endurnýjun aðalkjarasamnings í gerðardóm.

Guðbjörn Guðbjörnsson, formaður félagsins, segir tollverði hafa dregist mikið aftur úr í launum gagnvart öðrum stéttum á umliðnum árum. Útreikningar bendi til að tollverðir hafi dregist aftur úr öðrum opinberum starfsmönnum um í kringum 10% í launum á undanförnum árum.

„Þar sem við erum ekki með verkfallsrétt þá höfum við hug á að skoða þetta frekar en það er ekki búið að taka endanlega ákvörðun um það,“ segir hann í samtali við Morgunblaðið.

Lesa má meira um málið í Morgunblaðinu í dag. 

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir