Heildarmagn kviku í kvikuhólfinu undir Svartsengi hefur ekki verið meira frá því fyrir 10. nóvember. Um 16 milljónir rúmmetra af kviku hafa bæst við kvikuhólfið frá 16. mars, að því er segir í tilkynningu Veðurstofunnar.

Þar segir að huga þurfi að fleiri sviðsmyndum ef kvikusöfnun haldi áfram án kvikuhlaups eða eldgoss. Kvikusöfnun undir Svartsengi er áfram stöðug.

Auknar líkur eru á nýju kvikuhlaupi og öðru eldgosi næstu daga og er talið líklegast að það gjósi á Sundhnúkagígaröðinni. Fyrirvari á eldgosi gæti orðið mjög stuttur.

Uppfært hættumat Veðurstofu Íslands. Kort/Veðurstofa Íslands

Frétt af mbl.is

„Það yrði enginn hissa ef það byrjaði gos í dag“

Uppfært hættumatskort

Veðurstofan hefur gefið út uppfært hættumat sem gildir frá því klukkan 15 í dag til 21. maí.

Hætta vegna gasmengunar á svæði 7 hefur verið hækkuð í tengslum við auknar líkur á nýju eldgosi á svæði 3.

„Vegna breytingarinnar er heildarhætta á svæðinu nú metin töluverð (appelsínugul) en var áður nokkur (gul). Hætta vegna gasmengunar á öllum öðrum svæðum er óbreytt frá síðustu viku og metin töluverð. Vegna aukinnar smáskjálftavirkni innan svæðis 4 hefur hætta vegna jarðskjálftavirkni verið hækkuð þar,“ segir í tilkynningu Veðurstofunnar.

Tengdar fréttir

Eldvirkni á Reykjanesskaga

Kosninga- eða jólagos?

• Gatan í bylgjum og bíllinn hoppaði
• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026

» Fleiri tengdar fréttir

• Blogga um frétt