„Þetta gerðist allt í einu og mér að óvörum. Raunar átta ég mig ekki á því hvernig atburðarásin nákvæmlega var,“ segir Þorvaldur Árnason sjómaður og lyfjafræðingur. Hann var á strandveiðibátnum Höddu HF 52 sem hvolfdi út af Garðskaga í fyrrinótt. Þorvald sakaði ekki en hann lokaðist inni og fór niður þegar bátnum hvolfdi. Áður hafði honum tekist að klæða sig í björgunargalla, sem sjór flæddi inn í.

Frétt af mbl.is

Tveir í haldi til morguns

Sjómaður á nálægum bát bjargaði Þorvaldi um borð og fór með hann til Sandgerðis. Björgunarskip dró Höddu HF til hafnar og á fyrstu stigum voru þyrlusveit Landhelgisgæslunnar og nálæg skip í viðbragðsstöðu.

„Ég er búinn að hluta til að gefa skýrslu vegna þessa atviks hjá lögreglu og fer aftur. Mestu skiptir núna að ég er óslasaður og líður ágætlega,“ sagði Þorvaldur við Morgunblaðið í gær.

Frétt af mbl.is

Skipstjóri handtekinn: Gögn benda til áreksturs

Lög­regl­an á Suður­nesj­um rann­sak­ar hvort er­lenda flutn­inga­skipið Longdawn, sem var úti af Garðskaga í fyrrinótt, eigi þátt í því að Höddu hvolfdi. Land­helg­is­gæsl­an beindi í gær Longdawn inn til hafn­ar í Vest­manna­eyj­um þar sem skýrsla var tekin af skip­stjóra. Myndir sem teknar voru í Eyjum í gær sýna nýlegar skemmdir á perustefni flutningaskipsins.

„Trúlega rákumst við saman, þessi útlendi dallur og ég,“ sagði Þorvaldur Árnason. Hann kvaðst í stuttu samtali ekki geta tjáð sig um málsatvik að öðru leyti. 

Frétt af mbl.is

„Hann var lokaður inni í bátnum“

Tengdar fréttir

Sjávarháski við Garðskaga

„Þessi niðurstaða er bara grín“

• Skipverjarnir dæmdir í skilorðsbundið fangelsi
• Rúm vika eftir af farbanni: Ákvörðun brátt tekin
• Rannsókn lögreglu lokið: Óljóst um niðurstöðu
• Rannsókn lögreglu á lokametrum

» Fleiri tengdar fréttir