Hjálparsveitin Tintron í Grímsnesi var kölluð út til að aðstoða ferðamann sem slasaðist við Kerið í Grímsnesi á sjötta tímanum í dag.
Ferðamaðurinn féll við Kerið og treysti sér ekki til að ganga til baka, að sögn Jóns Þórs Víglundssonar, upplýsingafulltrúa Landsbjargar.
Björgunarsveitarfólk ásamt sjúkraflutningafólki setti ferðamanninn á börur og flutti í sjúkrabíl. Hann er ekki talinn vera alvarlega slasaður.