Eldvörpin byrjuð að gefa eftir
Setja bókamerki
Ármann Höskuldsson, prófessor í eldfjallafræði við Háskóla Íslands, telur að skjálftar í Eldvörpum séu til marks um að svæðið sé farið að gefa eftir.
Telur hann nú merki um að kvikan leiti meira vestur úr en tekur fram að hún komist ekki upp til yfirborðs nema það sé greið leið.
Breytingar neðanjarðar
Ármann segir breytingu hafa orðið í síðasta gosi samanborið við gosin á undan. Þannig hafi síðasta gos staðið yfir mun lengur en þau sem komu á undan. Einhverjar breytingar hafi orðið neðanjarðar.
„Það er eins og kvikan sé að leita meira vestur úr. Mín skoðun er sú að næst komi það [eldgos] í eldvörpum,“ segir Ármann í samtali við mbl.is og bætir við að innrennsli í kvikuhólfið undir Svartsengi sé nú hægara miðað við öll hin gosin.
Skjálftahrina syðst í Eldvörpum
„Ef það fer að fara út í Eldvörp þá verða meiri skjálftar eins og voru í gær. Þá var svona hrina úti á Reykjanestá og lítil hrina syðst í Eldvörpum.
Það segir okkur strax að það svæði er byrjað að gefa eftir því kvikan kemst ekkert upp nema það sé greið leið. Kvikan býr ekki til leiðina, það eru flekahreyfingarnar sem sjá um það,“ segir Ármann.
Hann segir Eldvörpin vera einn þægilegasta möguleikann hvað varðar staðsetningu gossprungu.
„Eldvörpin eru tiltölulega flöt. Ef það kemur miðsvæðis eða sunnarlega í Eldvörpum þá rennur hraun bara út í sjó suður af.
Aftur á móti gjósi aðeins norðar þá erum við aftur í þessum vandamálum með heitavatnssvæðin og fleira,“ segir Ármann.
Ómögulegt að segja til um tímasetningu
Ármann segir víst að atburðinum sé ekki lokið. Hann gæti alveg staðið yfir í áratugi. Það þýði þó ekki að Sundhnúkagígarnir eigi eftir að vera virkir í tíu ár.
„Hvort að það fari að gjósa í nótt eða á morgun eða eftir mánuð eða eftir ár, við höfum ekki hugmynd um það,“ segir Ármann.
Þórður mun ekki taka þingsæti
/frimg/1/52/96/1529614.jpg)
Hálf öld liðin frá hvarfi Geirfinns
„Það er sárt að svona fór“
Fór 1.628 km í þágu sjálfsvígsforvarna
„Mér var haldið sofandi í níu sólarhringa“
Heimilar Úkraínu að nota langdrægar eldflaugar
Viðreisn gæti valið stjórn
Ingibjörg skiptir um skoðun á ummælum Þórðar