Hægari vindur en dálitlar skúrir

„Það er hægfara lægð skammt vestur af landinu og því suðlæg átt, en vindurinn er talsvert hægari en í gær, yfirleitt á bilinu 5-13 m/s.“

Svo segir í hugleiðingum veðurfræðings á Veðurstofu Íslands. 

Búast má við dálitlum skúrum og mildu veðri, en súld eða rigning með köflum austantil, einkum suðaustanlands.

Hiti verður á bilinu 6 til 13 stig, hlýjast á Austurlandi.

Suðaustanlands styttir upp seinnipartinn á morgun, en áfram má búast við skúrum á á vestanverðu landinu og heldur meiri úrkomu á miðvikudag.

Veðurvefur mbl.is. 

• Blogga um frétt