Guðni hyggst senda samúðarkveðjur
Klara Ósk Kristinsdóttir
Setja bókamerki
Guðni Th. Jóhannesson, forseti Íslands, hyggst senda Írönum samúðarkveðjur vegna andláts Ebrahim Raisi, forseta landsins og Hossein Amirabdollahian, utanríkisráðherra Írans sem létu lífið í þyrluslysi um helgina.
Þetta kemur fram í skriflegu svari skrifstofu forseta Íslands við fyrirspurn mbl.is. Æðsti klerkur Írans, Ali Khameini, hefur lýst yfir fimm daga þjóðarsorg vegna dauða Raisi.
Eins og mbl.is greindi frá fyrr í dag hyggst Þórdís Kolbrún R. Gylfadóttir utanríkisráðherra ekki senda Írönum samúðarkveðjur þrátt fyrir að starfsbróðir hennar, auk forseta landsins, hafi látið lífið í slysinu. Hún benti aftur á móti á að slíkt félli oft í skaut forseta eða forsætisráðherra.
Er það í samræmi við svar skrifstofu forseta Íslands þar sem segir að Guðni muni senda samúðarkveðjur fyrir hönd íslenskra stjórnvalda, í samræmi við alþjóðavenju og hefð.
Evrópumál voru ekki til umræðu
Fundurinn hófst með söng: „Við stöndum þétt saman“
„Við bara reynum að þrýsta þessu fram“
Halla hyggst tilkynna um umboð í dag
Fundar með Þorgerði og Ingu eftir hádegi
Var ráfandi við Alþingi eins og innbrotsþjófur
Fljúga með dróna yfir Ölfusá í dag
