Veðurspáin lítur vel út fyrir norðan og austan um helgina því á laugardaginn er spáð 21 stigs hita í hádeginu á Húsavík og 19 stiga hita annars vegar á Akureyri og hins vegar á Skjaldþingsstöðum fyrir austan.
„Það er lægð á Grænlandshafi og hæð norðaustur af landi sem saman beina til okkar hlýju lofti frá Evrópu. Í þeim landshlutum sem sólin nær að skína líka verður hlýtt,” segir Teitur Arason, veðurfræðingur hjá Veðurstofu Íslands, spurður út í veðrið.
Áframhaldandi blíðu á svæðinu er spáð á sunnudaginn.