Dregið á asnaeyrum

Þungt hljóð var í foreldrum barna í Laugalækjarskóla á fundi sem haldinn var þar sl. þriðjudag, þar sem áform borgaryfirvalda um byggingu nýs gagnfræðaskóla í Laugardal voru til umræðu. Þetta segir Marta Guðjónsdóttir, borgarfulltrúi Sjálfstæðisflokksins og fulltrúi í skóla- og frístundaráði Reykjavíkur, í samtali við Morgunblaðið og bætir því við að foreldrarnir hafi upplifað þessi tíðindi sem svik.

Frétt af mbl.is

Fordæmir leyndarhyggju í skólamálum

Segir hún að með þessu, verði það niðurstaðan, yrði fallið frá að byggja við skólana þrjá sem fyrir eru í hverfinu, Laugarnesskóla, Laugalækjarskóla og Langholtsskóla, en samkomulag hafði þó verið gert haustið 2022 um að farin yrði sú leið. Ákvörðun um viðbyggingar við skólana þrjá var tekin fyrir hálfu öðru ári í kjölfar mikilla mótmæla og undirskrifta foreldra skólabarna í Laugardal, þar sem hugmyndum um byggingu nýs skóla var illa tekið.

Á fundinum segir hún að harðlega hafi verið gagnrýnt að til stæði að taka endanlega ákvörðun í málinu 10. júní nk., þegar skólaári væri að ljúka. „Það var upplifun fólks á fundinum að þessum borgarstjórnarmeirihluta væri fyrirmunað að vinna með borgarbúum. Ég held að þetta sé sjónarspil og leikaraskapur og verið sé að draga fólk á asnaeyrunum.“

Lesa má meira um málið í Morgunblaðinu í dag.