„Erum áfram á tánum“
Frá miðnætti mældust um 20 jarðskjálftar dreift yfir í kvikuganginum við Svartsengi.
Ljósmynd/Hörður Kristleifsson
Setja bókamerki
Frá miðnætti mældust um 20 jarðskjálftar dreift yfir í kvikuganginum við Svartsengi og í gær mældust þeir 57 talsins.
Að sögn Einars Hjörleifssonar, náttúruvásérfræðings á Veðurstofu Íslands, heldur landris áfram að mælast á svæðinu en skjálftavirknin hefur verið mjög svipuð síðustu daga.
„Við erum áfram á tánum og búumst áfram við kvikuhlaupi og öðru eldgosi,“ segir Einar við mbl.is en um 17 milljónir rúmmetra af kviku hafa bæst við kvikuhólfið frá 16. mars.
Einar segir að áfram sé haldið að vakta skjálftagögnin en hann segir að þau hafi reynst góður fyrirboði samhliða öðrum gögnum eins GPS mælum og borholumælingum hjá HS Orku.
Viðreisn gæti valið stjórn
Heimilar Úkraínu að nota langdrægar eldflaugar
„Þetta er algerlega hans ákvörðun“
Umræðan var óþægileg fyrir Þórð og flokkinn allan
Fór 1.628 km í þágu sjálfsvígsforvarna
Óeðlilegt að sama gjald verði tekið óháð þyngd
Viðreisn krefst aðildarviðræðna við ESB
Síminn stoppar ekki hjá Árekstur.is