Innlent | mbl | 23.5.2024 | 12:34

Fjármagn stýrir hraða og forgangsröðun

Bílar á ferð um höfuðborgarsvæðið. mbl.is/Kristinn Magnússon

Áfram er fundað um uppfærslu samgöngusáttmála höfuðborgarsvæðisins og er stefnt að því að klára verkefnið sem fyrst.

Þetta segir Páll Björgvin Guðmundsson, framkvæmdastjóri Samtaka sveitarfélaga á höfuðborgarsvæðinu (SSH).

Frétt af mbl.is

Sex vikur orðnar að sextíu

Meðal annars er verið að fara yfir málin með tilliti til fjármálaáætlunar ríkisins.

Páll Björgvin Guðmundsson, framkvæmdastjóri Samtaka sveitarfélaga á höfuðborgarsvæðinu. mbl.is/Eggert Jóhannesson

„Það er verið að funda áfram um uppfærsluna og stefnt að því að klára hana sem fyrst,” segir Páll Björgvin, spurður hvort hann geti nefnt nákvæma tímasetningu.

Verkefninu átti að ljúka síðasta sumar en það hefur dregist verulega á langinn.

Frétt af mbl.is

Áætlanir voru ekki í lagi

Flókið og umfangsmikið

Spurður á hverju strandi segir Páll Björgvin vinnuna bæði flókna og umfangsmikla. Framgangur fyrirhugaðra verkefna taki mið af því fjármagni sem sé- og verði til staðar á næstu árum.

„Það er verið að vanda sig við að koma þessu rétt fyrir þannig að þetta gangi allt upp. Fjármagn stýrir því sem hægt er að gera, hversu hratt og hver forgangsröðunin er,” bætir hann við.