Spá því að umbrotunum ljúki í júlí
Setja bókamerki
Haraldur Sigurðsson eldfjallafræðingur og Grímur Björnsson jarðeðlisfræðingur spá goslokum í Sundhnúkagígaröðinni í júlí. Þetta kemur fram í bloggi Haraldar í kvöld.
Hann telur líklegt að við hvert eldgos í Sundhnúkagígaröðinni storkni kvika þegar hún komi í snertingu við kalt berg yst á kvikuganginum. Þá myndist lóðrétt 5-10 sentímetra þykk skán af storknu basalti.
Kvikugangurinn undir Sundhnúkagígaröðinni hafi eflaust þrengst smátt og smátt eftir hvert gos. Þannig dragi óhjákvæmilega úr rennsli upp á yfirborðið.
Þessu til stuðnings vitnar Haraldur í gögn Veðurstofu Íslands. Hann segir að í kvikuhlaupinu í nóvember 2023 hafi hraunrennsli verið um 750.000 rúmmetrar á dag. Stöðugt hafi dregið úr því og hafi verið 250.000 rúmmetrar á dag í síðasta kvikuhlaupi.
Aðfærsluæðin þrengist stöðugt
„Kólnun og storknun kviku á jöðrum gangsins er stöðugt að þrengja aðfærsluæðina og mun að lokum stöðva virknina undir Sundhnúkagígaröðinni. Út frá slíkum gögnum höfum við Grímur Björnsson því spáð goslokum í byrjun júlí í ár,“ segir í færslu Haraldar.
Þetta velti þó allt á því hversu hratt kvikan í ganginum kólni og storkni. Það fari aðallega eftir þykkt kvikugangsins, sem sé því miður óþekkt stærð í Sundhnúk, að sögn Haraldar.
„Við höldum áfram þangað til við erum búin“
77 ár á milli þess elsta og yngsta
Hulda saksóknari: „Tökum þetta ekki til greina“
/frimg/1/53/17/1531723.jpg)
Kálfur kom í heiminn á miðjum kosningafundi
„Sá vegur er bæði háll og myrkur“
Pútín reynir allt til að forðast aðra herkvaðningu
50 milljónir eiga að minnka svindl um 1 milljarð
Flestir sem hvergi finnast koma frá Sómalíu