Sjö hafa verið fluttir á Fossvogsspítala með þyrlum Landhelgisgæslunnar eftir að rúta með um 30 farþegum valt á Rangár­valla­vegi í dag.

Rútan valt á Rangár­valla­vegi nálægt Stokkalæk skömmu ­fyrir kl. 17 í dag. Um 20-30 manns voru í rútunni. 

Björgunarstarf stendur enn yfir og unnið er að því að flytja slasaða af vettvangi. Nákvæmur fjöldi slasaðra liggur ekki fyrir. 

Frétt af mbl.is

Yfir 20 manns í rútuslysi á Suðurlandi

Frá slysstaðnum við bæinn Stokkalæk. Ljósmynd/Aðsend

Samhæfingarstöð virkjuð

Aðstæður voru með þeim hætti að hópslysaáætlun var virkjuð þegar í stað, sem og samhæfingarstöð almannavarna í Skógarhlíð.

Tvær þyrl­ur Land­helg­is­gæsl­unn­ar voru ræst­ar út og eru mættar á vettvang, seg­ir Ásgeir Erlends­son, upp­lýs­inga­full­trúi Land­helg­is­gæsl­unn­ar, í sam­tali við mbl.is.

Fyrri þyrlan flutti þrjá á Fossvogsspítala og hin flutti fjóra. Þyrla verður ekki send aftur á vettvang, að sögn Ásgeirs.

Slökkviliðið á höfuðborgarsvæðinu hefur einnig sent þrjá sjúkraflutningabíla til að aðstoða með sjúkraflutninga.

Heildarfjöldi slasaðra óljós

Ekki liggur fyrir með hvað hætti slysið varð en lögreglan á Suðurlandi fer með rannsókn þess. Slysið varð nálægt Stokkalæk og hefur lögreglan lokað fyrir stóran hluta vegarins, segir Jón Gunnar Þórhallsson, yfirlögregluþjónn á Suðurlandi, í samtali við mbl.is.

Yfirlögregluþjónninn vildi ekki svara því hvort einhver væri alvarlega slasaður eða úrskurðaður látinn á vettvangi.

Hjálp­arsím­inn 1717 veit­ir sál­ræn­an stuðning til þeirra sem þess óska. Opnað hef­ur verið söfn­un­ar­svæði aðstand­enda í hús­næði Árnes­deild­ar RKÍ að Eyr­ar­vegi 23 Sel­fossi einnig.

Fréttin hefur verið uppfærð.

Tengdar fréttir

Rútuslys á Rangárvallavegi

Myndin farin að skýrast

• Flestir á batavegi eftir rútuslysið
• Brekkan var lækkuð og beygjan lagfærð
• Áróður um belti beinst frekar að ferðamönnum
• Skýrslutökur halda áfram í vikunni

» Fleiri tengdar fréttir

• Blogga um frétt