Þrír köstuðust útbyrðis: „Ég eins og skopparakringla“
Setja bókamerki
Allir sem voru í rútunni sem valt í gær eru félagar í Dynk, Lionsklúbb Skeiða- og Gnúpverjahrepps, og var klúbburinn í vorferð um Rangárvallasýslu. Þrír köstuðust útbyrðis úr rútunni þegar hún valt heilan hring.
Þetta segir Jónas Yngvi Ásgrímsson, félagi í Dynk, í samtali við mbl.is en hann var í rútunni er slysið varð.
Sjálfur var Jónas standandi í rútunni að afhenda drykkjarföng þegar rútan valt og man hann lítið eftir sjálfri veltunni.
„Samkvæmt konunni minni þá var ég eins og skopparakringla þarna um rútuna á meðan hún valt,“ segir hann.
Jónas kveðst muna eftir því þegar rútan var næstum því stopp að þá hugsaði hann: „Djöfullinn það verður erfitt að bakka bílnum úr þessu.“
/frimg/1/49/43/1494326.jpg)
Köstuðust út um rúður sem brotnuðu
Svo valt rútan og Jónas man eftir því að hafa dottið á bakið. Það næsta sem hann man eftir var þegar hann var kominn á fætur og hringdi í Neyðarlínuna.
Jónas segir að þrír hafi kastast útbyrðis út um rúður sem brotnuðu á meðan rútan valt.
„Þeir lágu þarna út í móanum eftir þetta en þau slösuðust ekkert sérstaklega við það, held ég.“
Hann segir að fólk hafi henst til í rútunni og sumir klemmdust í sætum.
„Það þurfti að klippa eitthvað aðeins til inn í rútunni til að ná öllum almennilega út,“ segir Jónas
„Þá veltur hún“
Jónas útskýrir að verið var að aka rútunni upp brekku og að fram undan hafi verið beygja.
Bílstjórinn ók því nálægt kantinum til þess að búa til pláss fyrir annan bíl ef ske kynni að bíll myndi mæta þeim, en svo gerðist það að kanturinn á veginum gaf sig.
„Á einhverjum 30 metra kafla er hann að stöðva bílinn og passa að fara ekki út af því þarna var mesti brattinn. Það sem að gerist síðan er þegar að rútan er næstum því stopp þá veltur hún,“ segir Jónas.
Þakkar viðbragðsaðilum
Fólk hélt stillingu í kjölfar veltunnar og nefnir Jónas að í rútunni hafi verið starfsmenn Brunavarna Árnessýslu, björgunarsveitarmenn og hjúkrunarforstjóri.
„Þannig það var þarna fólk sem vissi hvernig átti að haga sér í svona aðstæðum,“ segir hann.
Jónas þakkar sérstaklega viðbragðsaðilum sem voru skjótt komnir á vettvang og hlúði að fólki.
Hækkun skilaði sér til bænda
Máttu ekki auglýsa „mesta úrvalið“ og „besta verðið“
Segja tölur um opinbera starfsmenn skakkar
Innanlandsflug liggur niðri
Hvetja fólk til að huga að niðurföllum
„Umferðin greinilega að þyngjast“
Gul viðvörun í gildi: Suðaustan stormur
Fjallvegir á Vestfjörðum og víða um land á óvissustigi